საინფორმაციო-სამედიცინო სამსახური 1999 წელს შეიქმნა როგორც ფონდის „მომავალი“ პროექტი. თავდაპირველი აზრი და მიზანი იყო დაინტერესებული ადამიანი უზრუნველეყო ინფორმაციით თუ რომელ აფთიაქში და რა ფასად შეეძინა საინტერესო მედიკამენტი, ბავშვთა კვება, ჰიგიენური და სხვა საშუალებები. შეირჩა ადვილად დასამახსოვრებელი ტელეფონის ნომერი 25 22 33, შეიქმნა სააფთიაქო ქსელი, რომელშიც დღესაც ერთიანდებიან როგორც კორპორატიული, ისე ცალკეული აფთიაქები თბილისის მასშტაბით.
        თუმცა საინფორმაციო-სამედიცინო სამსახური მხოლოდ სატელეფონო მომსახურებით არ შემოიფარგლა და შეიქმნა ინტერნეტ გვერდი www.mis.ge. დღესდღეისობით ინფორმაცია თავად მედიკამენტებზე უფრო სრულყოფილი გახდა: დასახელება, დოზა, ფორმა, შეფუთვა, შემადგენლობა, საერთაშორისო დასახელება, ფარმაკოლოგიური ჯგუფი/ქვეჯგუფი, ათქ კლასიფიკაცია, საერთაშორისო დასახელების ანოტაცია, მწარმოებელი ქვეყანა, მწარმოებელი ფირმა, რეგისტრაციის თარიღი და ნომერი. ვებ-გვერდმა ფარმაკოლოგიური ცნობარის ფუნქცია შეიძინა. აქედან გამომდინარე მედიკამენტის დაჯგუფება დასახელების გარდა შეიძლება ფორმით, მწარმოებელი ქვეყნით, მწარმოებელი ფირმით, საერთაშორისო დასახელებით, ათქ საერთაშორისო კლასიფიკაციით სხვადასხვა დონეზე, ფარმაკოლოგიური ჯგუფით, ანოტაციის კატეგორიებით. მწარმოებელი კომპანიების წარმომადგენლობებთან მიღწეული შეთანხმების შესაბამისად პრეპარატებზე სავაჭრო დასახელების ანოტაციისა და ფოტოსურათის ნახვაც შეიძლება.
        ინტერნეტ გვერდის არსებობის პირობებში ინფორმაციის მიღება შეუდარებლად მეტ მომხმარებელს შეუძლია. ფარმაკოლოგიური ცნობარი მაქსიმალურად ხელმისაწვდომი გახდა.
        საინფორმაციო-სამედიცინო სამსახური უნიკალურია მასში თავმოყრილი ინფორმაციის თვალსაზრისით. აქ ერთიანდება ინფორმაცია:
1.     აფთიაქებიდან, რომლებიც საინფორმაციო-სამედიცინო სამსახურს თავიანთი გასაყიდი პოზიციების ჩამონათვალს ფასისა და ვარგისინობის ვადის მითითებით აწვდიან,
2.     მწარმოებელი კომპანიების წარმომადგენლობებიდან, რომლებთანაც მუდმივი კონტაქტის შედეგად ხდება მედიკამენტბზე ინფორმაციის სრულყოფა,
3.     მომხმარებლისაგან, რომელთა მოთხოვნების შესაბამისად დგება სტატისტიკური ინფორმაცია ყველაზე მოთხოვნადი მედიკამენტების შესახებ.
        ამასთან ხაზგასასმელია მონაცემთა ბაზის ზრდადი მოცულობა, რომელიც შეეხება როგორც მედიკამენტებს (14000 დასახელება), ასევე აფთიაქებსა და მათ მარაგს.
        25 22 33-ზე ყოველდღიურად მომხმარებლის 800-მდე ზარი შემოდის, ვებ-გვერდზე მომხმარელის მიკითხვის მონაცემი 400-500-ია.
        საინფორმაციო-სამედიცინო სამსახურის შედარებით ახალი სერვისია მედიკამენტების ადგილზე მიტანის სამსახური - 25 22 45. ამ ნომერზე მიღებული შეკვეთა ერთი საათისა და 30წუთის განმავლობაში სრულდება და მედიკამენტს თბილისის მასშტაბით ნებისმიერ ადგილას მოგაწვდიან. მომსახურება უფასოა.

დაგვიკავშირდით: info@mis.ge